२०८१ आश्विन ३०, बुधबार
- समाचार(१७३)
- मुख्य समाचार(११७)
- राजनीति(६८)
- अर्थ/व्यवसाय(२९)
- अन्य(२८)
- खेलकुद(२७)
- स्वास्थ्य(२१)
- कला/संस्कृति(१९)
- मनोरञ्जन(१९)
- शिक्षा(१७)
धुलिखेल / पछिल्लो २४ घण्टा यता काभ्रेमा ७ जनालाई डेंगु संक्रमण पुष्टी भएको छ ।
मंगलबार साँझ जनस्वास्थ्य कार्यालय काभ्रेले सार्वजनिक गरेको विवरणमा धुखिलेल नगरपालिका ३ जना, पनौती र बनेपा नगरपालिकाका २/२ जनामा डेंगु संक्रमण पुष्टी भएको कार्यालयकी प्रतिभा मिश्रले जानकारी दिइन् ।
जनस्वास्थ्य कार्यालय प्रमुख रागीश्री कक्षपति श्रेष्ठका अनुसार, साउनयता डेंगु संक्रमितको संख्या २ सय ९४ पुगेको छ । ती मध्ये १ सय ४८ महिला र १ सय ४६ पुरुष छन् । संक्रमण पुष्टी हुनेको संख्या दैनिक बढिरहेको तथ्याकंले देखाएको छ । जनस्वास्थ्य कार्यालयको तथ्याकं अनुसार, असोज २५ गते ५ जना, २६ गते ४ जना, २७ गते ६ जना , २८ गते ३ जना र २९ गते ७ जनामा संक्रमण पुष्टी भएको छ ।
बनेपा, पनौती, धुलिखेल क्षेत्रमा बढी संक्रमित भएका छन् । बनेपा नगरपालिकामा १ सय ६ जना, पनौती नगरपालिकामा ५२ जना, धुलिखेलमा ४६ जनामा संक्रमण पुष्टी भएको थियो ।
भुम्लु गाउँपालिकामा २४ जना, पाँचखाल र मण्डनदेउपुर नगरपालिकामा १९÷१९ जना, नमोबुद्ध नगरपालिकामा १२ जना, रोशी गाउँपालिकामा ९ जना, चौरीदेउराली गाउँपालिकामा २ का साथै तेमाल र महाभारत गाउँपालिकामा १/१ जनामा संक्रमण पुष्टी भएको छ ।
स्वास्थ्य मन्त्रालयका अनुसार, बढी डेंगु संक्रमण भएका देशभरका प्रमुख १० जिल्ला मध्ये बाग्मती प्रदेशका ५ जिल्ला काठमाडौं, भक्तपुर, चितवन, मकवानपुर, सिन्धुपाल्चोक रहेकाले पनि काभ्रे बढी जोखिममा छ ।
संक्रमण नियन्त्रणको लागि जनस्वास्थ्य कार्यालयको अगुवाईमा प्रत्येक शुक्रवार १० बजे १० मिनेट अभियान सञ्चालन गरिएको थियो । लामखुट्टे बस्न सक्ने सम्भावित स्थान खोज्ने र नष्ट गर्ने विधी नै ९० प्रतिशत प्रभावकारी भएको पाइएकोले सोही अनुसार अभियान गरिएको जनस्वास्थ्य कार्यालय काभ्रेका प्रमुख कक्षपतिले जानकारी दिइन् ।
काभ्रे खबर
काभ्रे । वागमती प्रदेश
सम्पर्क: ९८५१००२८५७
स्थायी लेखा नं.:
सञ्चार रजिष्ट्रार दर्ता प्र.नं.:
वेबसाईट: kavrekhabar.com
