सभापति देउवाले गरे महामन्त्रीसँग छलफल

एक साता लामो बसाईपछि गृहजिल्ला डडेल्धुराबाट फर्किएलगत्तै नेपाली कांग्रेस सभापति शेरबहादुर देउवाले महामन्त्रीद्वय गगन थापा र विश्वप्रकाश शर्मासँग छलफल गरेका छन्।

सभापति देउवाले मंगलबार बिहान निवास बूढानीलकण्ठ निवासमा महामन्त्रीद्वय थापा र शर्मासँग छलफल गरेका हुन्। उपनिर्वाचनमा कांग्रेसका उम्मेदवारलाई जिताउनेलगायत विषयमा कुराकानी भएको जनाइएको छ। महामन्त्रीसँगको नियमित भेटघाटमा पछिल्लो राजनीतिक घटनाक्रमका सन्दर्भमा पनि छलफल भएको थियो।

मंगलबार साँझ प्रधानमन्त्री केपी शर्मा ओली र सभापति देउवाविच भेट भएको थिया । सरकारलाई थप प्रभावकारी बनाएर अघि बढ्ने बिषयमा ओली र देउवाविच छलफल भएको जनाइएको छ । प्रधानमन्त्रीको आसन्न चीन भ्रमणका बिषयमा पनि छलफल चलेको थियो।

यसैबीच, मंगलबार साँझ ६ बजे मन्त्रिपरिषद् बैठक बस्ने तय भएको छ। मन्त्रिपरिषद बैठक बस्नुअघि प्रधानमन्त्री ओली र कांग्रेस सभापति देउवाबीच पुनः भेटघाट हुने भएको छ।