बोधिचित्तको माला लुटपाट प्रकरणमा अखिल क्रान्तिकारीका केन्द्रीय सचिव पक्राउ

सिन्धुलीमा बोधिचित्त (बुद्धचित्त)को माला लुटपाट प्रकरणका माओवादी केन्द्र निकट अखिल क्रान्तिकारीका नेता दूधराज तामाङ पक्राउ परेका छन्। काभ्रेको तेमाल – ७चापाखोरी घर भएका तामाङलाई गएराति नौ बजे ललितपुरको हरिसिद्धीबाट प्रहरीले पक्राउ गरेको हो। तामाङ अखिल क्रान्तिकारीका केन्द्रीय सचिव हुन्।

गत साउन ४ गते सिन्धुलीको फिक्कल गाउँपालिका १ महादेव डाँडाका होमबहादुर सुनुवारको जग्गाबाट बोधिचित्तको माला लुटपाट भएको थियो।

यो घटनामा सत्यमान लामा, दूधराज तामाङ, राकेश तामाङ, पुष्पलाल दोङ र शिव बरालसहित १३ जनाविरुद्ध डाँका, चोरी तथा लुटपाटको उजुरी परेको थियो।

सत्यमान लामा र दूधराज तामाङसहित तीन जना पक्राउ परे पनि अरुको खोजी भइरहेको प्रहरीले जनाएको छ।