प्रचण्डको तस्वीर जलाएको आरोपमा राप्रपा नेता पक्राउ

चितवन । पूर्वप्रधानमन्त्री एवं माओवादी केन्द्रका अध्यक्ष पुष्पकमल दाहालको तस्वीर जलाएको आरोपमा आइतबार राष्ट्रिय प्रजातन्त्र पार्टीका नेता निराजन बम पक्राउ परेका छन्। बम कालिकोटका राप्रपाको भ्रातृसंगठन राष्ट्रिय प्रजातान्त्रिक युवा संघका महासचिव हुन्।

बमलाई भरतपुर विमानस्थलबाट प्रहरीले पक्राउ गरेको हो । बमले हेटौंडाको एक कार्यक्रममा शनिबार प्रचण्डको तस्वीर जलाएको आरोप छ । बमलाई पक्राउ गरी जिल्ला प्रहरी कार्यालय मकवानपुरको जिम्मा लगाइएको छ।

प्रचण्डमाथि सामाजिक सञ्जालबाट आपत्तिजनक प्रकारका टिप्पणी बढेपछि साइबर ब्युरोमा उजुरी दर्ता भएको थियो । प्रचण्डसहित परिवारका सदस्यलाई जोडेर फेसबुकलगायत सामाजिक सञ्जालका प्लेटफर्ममा फेक आईडीसमेत बनाएर चरित्रहत्या गर्ने सामग्री पोष्ट गरिएपछि माओवादी कार्यकर्ताले साइबर ब्युरोमा उजुरी दिएका हुन्।

अध्यक्ष प्रचण्ड तथा उनको परिवारका छोरी बुहारीहरूको बारेमा आपत्तिजनक पोष्टहरू गरिएका छन् । आपत्तिजनक र घृणित सामग्रीहरु पोष्ट गर्ने आईडीको पहिचान गरी त्यस्ता व्यक्तिमाथि कानूनबमोजिम कारवाही गर्न प्रमाणसहित वाइसिएलका कार्यकर्तालेसाइबर ब्युरोमा जाहेरी दिएका हुन्।

जाहेरीपछि साइबर ब्युरोमा अनुसन्धान भइरहेको जनाइएको छ । फेसबुक आइडीको पहिचान गरेरर कानूनको दायरामा ल्याइन जाहेरीमा माग गरिएको थियो ।