पनौतीमा पशुपक्षीको नि:शुल्क बिमा

जिल्लाको पनौती नगरपालिकाले पशुपक्षीको नि:शुल्क बिमा अभियान शुरु गरेको छ आइतवार नगरपालिकाको वडा नम्बर ५ मा एक कार्यक्रमको आयोजना गरेर पशुपन्छीको नि:शुल्क बिमा सुरू गरिएको हो । नगरप्रमुख रामशरण भण्डारीले पशुपक्षीको नि:शुल्क बिमा कार्यक्रम सुरूवात गरेका थिए ।

नगरपालिकाको १२ वटै वडाहरूमा यो कार्यक्रम सञ्चालन गहुनेछ । त्यसका लागि नगरपालिकाले कर्मचारीको ब्यवस्थापन गरेर वडा-वडामा खटाईसकेको छ । यो कार्यक्रम अन्तर्गत किसानको गोठमै पुगेर सेवा प्रदान गरिने नगरप्रमुख भण्डारीले बताए ।
नगर प्रमुख भण्डारीले भने पनौती नगरपालिकाको १२ वटै वडाहरूमा किसानहरूले पालेको पशुपन्छीहरूको निशुल्क बीमाको कार्यक्रम सुरूवात गरेका छौं । यस आ.ब देखी नगरभित्रका किसानहरूले पालेका पशुको बीमा हुने र सबै पशुपालक कृषकहरूलाई यसबाट थप सहयोग हुने कुरामा विस्वास लिएकाछौं ।

नगरपालिकाले तोकिएका कर्मचारी मार्फत आफ्नो पशुपन्छीको नि:शुल्क बीमा गराउन आग्रह गरेको छ । कार्यक्रम मा नगरपालिका उपप्रमुख गिता बञ्जारा ,प्रमुख प्रशासकीय अधिकृत राम प्रसाद आचार्य , वडा अध्यक्षहरु बिनोद खत्री, मोहन बहादुर भण्डारी, भिम प्रसाद आचार्य, दिपक दाहाल ,नगरपालिकाको पशुपंक्षी शाखा प्रमुख डा. दिपिका रेग्मी लगायतको उपस्थितिमा अभियानको शुरूवात भएको बताएको छ।