वडाकाे पहलमा पढ्दै सिप सिक्दै बिद्यार्थीहरू

दाेलखा,।दाेलखाकाे भिमेश्वर नगरपालिका वडा -७काे पहलमा बिद्यार्थीहरूलाई पढ्दै सिक्दै गर्ने कार्य अगाडि बढाएकाे छ । यस वडाकाे कुटीडाँडा माविका विद्यार्थीहरुलाई सीपमूलक तालिमको व्यवस्था गरिएको वडा अध्यक्ष बिनाेद तमाङले बताउनु भयाे । भीमेश्वर नगरपालिका–७ वडा कार्यालयले कुटीडाँडा माविका ३०जना विद्यार्थीहरुलाई बरिष्टा (कफी मास्टर) तालिम प्रदान गरिएको छ ।
पढाई सँगसँगै सीप पनि चाहिने भएकाले कक्षा ११ र १२ मा अध्ययनरत ३० जना विद्यार्थीहरुलाई तालिम प्रदान गरेको भीमेश्वर नगरपालिका–७ का वडाअध्यक्ष विनोद तामाङ तामाङले बताउनुु भयो ।
तालिममा सहभागी बिद्यार्थीहरू भन्छन्, केही बुझेकाे र पढेकाे जनप्रतिनिधि हुँदा केही गराैं भन्ने भाबनाबाट प्रेरित भइ यस्ता सिपमुलक तालिमले बेरोजगार युवायुवतीलाई निकै नै महत्त्वपूर्ण सहयोग पुग्ने बताए । तालिममा सहभागी बिद्यार्थी सुजन तमाङ भन्छन् याे तालिमले हामीले कफिसप खाेल्न , तुरुन्तै काममा लाग्न र उद्दमी बन्न समेत उत्प्रेरणा जागेकाे बताउनु भयाे ।
उच्च शिक्षा अध्ययनपछि आयआर्जनको लागि सीपमूलक तालिम आवश्यकता भएकाले आर्थिक वर्ष ०८१/८२ को बजेट तथा कार्यक्रमबाट बरिष्टा तालिम आयोजना गरिएको वडाअध्यक्ष तामाङले बताउनु भयो ।
चैत्र १७ गतेदेखि १० दिने तालिम आज सम्पन्न भएको छ । तालिम समापन समारोह वडाअध्यक्ष विनोद तामाङको अध्यक्षता र बागमती प्रदेश सभाका सदस्य भरत बहादुर केसीको प्रमुख आतिथ्यतामा भएको थियो । कार्यक्रममा भीमेश्वर नगरपालिकाका नगरप्रमुख इश्वर नारायण मानन्धर, उपप्रमुख कमला बस्नेत, कुटीडाँडा माविका प्रधानाध्यापक इश्वर चौलागाई लगायतले मन्तव्य व्यक्त गर्नुभएको थियो । तालिम प्रकाश उप्रेतीले प्रदान गर्नुभएको थियो ।
तालिम समापन समारोह स्थाल रमाइलो घर रिसोर्ट चोथाङमा सहभागीहरुले आफूले सिकेका विभिन्न प्रकारका कफि प्रदर्शनीमा राखिएका थिए । अहिले स्वदेश तथा विदेशमा समेत बरिष्टाको उच्च माग रहेको छ ।