काभ्रेमा एसईईमा ६ हजार बढी सहभागी हुने

काभ्रे । काभ्रेमा यस वर्षको माध्यामिक शिक्षा परीक्षा एसईईमा ६ हजार भन्दा बढी विद्यार्थी सहभागी हुने भएका छन्। जिल्लाका सामुदायिक अर्थात सरकारी र संस्थागत गरी २ सय १६ वटा विद्यालयका विद्यार्थी परिक्षामा सहभागी हुँदैछन्।

तर, जिल्लाका कतिपय सरकारी विद्यालयमा विद्यार्थी संख्या दयनीय पाइएको छ। जिल्लाका २५ वटा सरकारी विद्यालयबाट दस भन्दा कम विद्यार्थीले परिक्षामा सहभागिता जनाउँदैछन्।

निजीतर्फ तिनवटा मात्रै विद्यालयबाट दस भन्दा कम विद्यार्थी परिक्षामा सहभागी हुँदैछन्।

शिक्षा विकास तथा समन्वय इकाई काभ्रेको तथ्यांक अनुसार देउराली मावी विर्ता देउरालीबाट ७, तेमाल मावी तेमालबाट ८, वाग्देवी मावी सल्लेभुम्लुबाट ८, सेतीदेवी मावी चौबासबाट ८, चक्रेश्वर मावी च्याम्राङवेशीबाट ८, भैरव मावी च्याम्राङवेशीबाट ८ जनाले एसईई दिँदैछन्।

यस्तै सेतीदेवी मावी मेच्छेबाट ८, रत्नचुडेश्वम मावी बनेपाबाट ६, दाप्चा मावी दाप्चाबाट ६, कृष्ण मावि दाप्चाबाट ९, काभ्रे बहिरा स्कुल बनेपाबाट ९, जनकल्याण मावी बुचाकोटबाट ९, कालिका मावी चलालबाट ८, भूमिमाता मावी तिप्चोकबाट ४, करथरी मावी काभ्रेबाट ८, शारदा मावी फँलाटेबाट ६, जनता मावी कोलातीबाट ९ देवीस्थान मावी देवीटारबाट ६ र भक्तेश्वर मावि बनेपाबाट ९ जनाले परीक्षा दिँदैछन्।

यस्तै भुमेस्थान मावी देउरालीबाट ७, खाँडादेवी मावी किल्पुबाट ७, सूर्योदय मावी सानोवाङ्थलीबाट ८, अरनिको मावी पोखरीचौरीबाट ८, बागदेवी मावी माटेबाट ९ र भुमेस्थान मावि लुर्पुङबाट ८ जना सहभागी हुँदैछन्।

निजीतर्फ दस भन्दा कम विद्यार्थीले सहभागिता जनाउनेमा नैमिशारण्य स्कुल बनेपाबाट ४, ज्ञानज्योती बोर्डिङबाट ४ जना रहेका छन्।

काभ्रेमा सबैभन्दा बढी विद्यार्थीले एसईईमा सहभागिता जनाउनेमा नेपाल प्रहरी स्कुल रहेको छ । यहाबाट १ सय ९५ जना विद्यार्थी परिक्षामा सहभागी हुँदैछन् । यस्तै विद्याकुञ्ज अनौपचारिक माविबाट १ सय ६२ र सञ्जीवनी मावी धुलिखेलबाट १ सय १३ जनाले परिक्षामा सहभागिता जनाउनेछन्।

यो संख्या नियमिततर्फ परिक्षामा सहभागी हुने विद्यार्थीहरूको हो । श्वेत बराह मावी टुकुचाबाट १ जना विद्यार्थी गैर प्राविधिक धारतर्फ सहभागी हुँदैछन् भने अरु सबै प्राविधिक धारका विद्यार्थी सहभागी हुनेछन्।

काभ्रेमा योपटक नियमिततर्फ कुल ५७ सय ८९, ग्रेडवृद्धितर्फ ६ सय ९ र प्राविधिकतर्फ १९६ जना गरि कुल ६ हजार ३ सय ९१ जना विद्यार्थी परिक्षामा सहभागी हुँदैछन्।