३ बर्षको सेवासुविधा बापतको १५ लाख बाढी पहीरो प्रभावित पालिकालाई

काभ्रे/ पाँचखाल नगरपालिकाका प्रमुख महेश खरेलले आफनो सेवासुविधा बापत आउने रकम बाढी पहीरो प्रभावित पालिकालाई दिने घोषणा गरेका छन ।

उनले आफनो सेवासुविधा बापत ३ बर्षमा आउने सेवा सुविधा बापतको १५ लाख रुपैया बाढी पहीरो प्रभावित पालिकालाई दिने घोषणा गरेका हुन ।

आईतबार बसेको कार्यपालिकाको बैठकबाट आधिकारिक निर्णय नै गराएर आफ्नो तीन वर्षको नगरबाट प्राप्त हुने सेवासुबिधा काभ्रेपलान्चोक जिल्लामा गतसाताको वर्षातका कारण क्षति भएको पालिकाहरुलाई राहत स्वरूप १५ लाख सहयोग गर्ने घोषणा गरेको नगरप्रमुख खरेलले जानकारी दिए । “पाँचखाल नगर भन्दा अन्य पालिकामा धेरै नै जनधनको क्षति भएकोले उहाहरुलाई सानो भएपनि सहयोग होश भनेर यो निर्णय गरेको हो ।”- खरेलले भने ।
बाढीपहिरोले गर्दा काभ्रेमा मानवीय क्षतिका साथै निजी आवास, सडक, जलविद्युत्, शैक्षिक स‌ंस्था, कृषि, व्यवसाय लगायत क्षेत्रमा ठूलो क्षति भएको छ ।

यो संगै खरेल लगायत नेपाली काँग्रेसका केन्द्रीय सदस्यहरु शिव प्रसाद हुमगाई, मधु प्रसाद आचार्य, गणेश लामा लगायतले नमोबुद्द, रोशी, पनौती, बेथानचोक, पाँचखाल, मण्डनदेउपुर लगायतका पालिकाहरुमा खाद्यान्न र त्रिपाल बितरण गरेका थिए ।