बेथानचोक गाँउपालिकालाई अष्ट्रेलियाबाट सुबोधको नेतृत्व मा सहयोग

बेथानचोक / अष्ट्रेलियामा रहेका नेपाली र अष्ट्रेलियन नागरिकले विपद प्रभावित बेथानचोक गाउँपालिकालाई सहयोग गरेका छन् ।

बेथानचोक स्थायी घर भइ हाल अष्ट्रेलिया रहेका सुवोध अधिकारीको पहलमा त्यहाँ रहेका नेपाली र अष्ट्रेलियन नागरिक समेतबाट संकलित ३ हजार १ सय ६८ डलर बराबर नेपाली ३ लाख ९ सय ६० रुपैयाँ बेथानचोक गाउँपालिकालाई सहयोग गरिएको हो ।

मंगलबार एक कार्यक्रमविच स्थानीय पवन अधिकारी, शंकर पराजुलीले उक्त रकम गाउँपालिका अध्यक्ष भगवान अधिकारीलाई हस्तान्तरण गरेका थिए ।

अध्यक्ष अधिकारीले सबैको साथ र सहयोगले बेथानचोकलाई पुरानै लयमा फर्काउने प्रतिवद्धता जनाए ।

हस्तान्तरण कार्यक्रममा वडा नं २ का अध्यक्ष पुरुषोतम तिमिल्सना, वडा नं ३ का अध्यक्ष कुवेर ढकाल, २ का वडा सदस्य नारायण तिमल्सिना ,प्रमुख प्रशासकीय अधिकृत राजेन्द्र भण्डारी लगायतको उपस्थिती थियो ।