प्रहरी चौकी निर्माणका लागि जग्गा प्रदान

काभ्रे । काभ्रेको दुई पालिकाकाभित्र प्रहरी चौकी निर्माणका लागि जग्गा प्रदान गरिएको छ।

नेपाल सरकार ९मन्त्री परिषद्०को निर्णअनुसार नमोबुद्ध नगरपालिका र तेमाल गाउँपालिकामा प्रहरी चौकी निर्माणार्थ जग्गा हस्तान्तरण गरिएको छ । नेपाल सरकारको नाममा कायम रहेको भोगचलनका ती दुई स्थानीय तहमा प्रहरी चौकी निर्माणार्थ दीर्घकालीन रुपमा जग्गाको प्रमाणपत्र हस्तान्तरण गरिएको हो ।

जिल्ला प्रशासन कार्यालयमा एक कार्यक्रमको आयोजना गरी नमोबुद्धको मेथिनकोट र तेमालको पोखरी नारायणस्थानमा प्रहरी चौकी नार्माणका लागि ६÷६ रोपनी जमिनको प्रमाणपत्र जिल्ला प्रहरी कार्यालयलाई दिइएको हो । प्रमुख जिल्ला अधिकारी उमेशकुमार ढकालले जिल्ला प्रहरी प्रमुख बसुन्धरा खड्कालाई उक्त प्रमाणपत्र हस्तान्तरण गरेका छन् ।

यही चैत्र ४ गते नेपाल सरकारको निर्णयले दुई स्थानीय तहमा जग्गा उपलब्ध गराउने निर्णय भएको थियो । नमोबुद्ध नगरको भकुण्डेमा प्रहरी चौकीको भवन निर्माणका लागि साविक मेथिन्कोट–६ मा रहेको कित्ता नम्वर ८५ को ६ रोपनी तथा साविक पोखरीनारायणस्थान–३ तेमालका लागि ४६३ नम्वरको ६ रोपनी जमिन दिने निर्णय गरिएको थियो ।

नमोबुद्ध–४ का वडाध्यक्ष अर्जुन कार्कीले विपी राजमार्गमा सवारी आवागमनको चाप बढ्दै गएको तथा नगरको सहरी क्षेत्रम बसोबास गर्नेको सङ्ख्या बढेको अवस्थामा सुरक्षामा थप ब्यवस्थित हुने उद्देश्यले आवश्यक पर्ने पूर्वाधार निर्माणका लागि प्रहरीलाई जग्गा उपलब्ध गराउने निर्णय गरिएको जानकारी दिए ।

मालपोत कार्यालय काभ्रेका प्रमुख मालपोत अधिकृत दिपक कोईरालाले प्रमुख जिल्ला अधिकारी उमेशकुमार ढकाल, जिल्ला प्रहरी कार्यालय काभ्रेका प्रमुख एसपी बसुन्धरा खड्का र इलाका प्रहरी कार्यालय मंगलटारका प्रमुख प्रहरी निरिक्षक कृष्ण गिरीलाई दिर्घकालिन जग्गा प्रयोगको प्रमाणपत्र हस्तान्तरण गरेका हुन् ।